Daniel Fernández y Xuacu García son los veceros qu'unvien rempuesta a les pallabres de la sesión anterior. Pa vello, abríi y pasái per esta puerte dixital.
La clasificación queda, a partir d'agora, de la siguiente manera:
Daniel Fernández, trenta y nueve puntos; Joaquín García Cuello, trenta y dos puntos; Esteban Carcedo, dieciocho puntos; Tomás Torre, selce puntos; Ramón González, quince puntos; Casio González, cinco puntos.
LA TALLERÁ // LA CALEYÁ // VAL MÁS LO QUE'L SOL DEXA QUE LO QUE L'AGUA CRIYA
Aquí vos amosamos dos guapes pallabres y un orixinal refrán de la rica fala barboliego, pa que digáis lo que signifiquen
LA TALLERÁ // LA CALEYÁ // VAL MÁS LO QUE'L SOL DEXA QUE LO QUE L'AGUA CRIYA
Daniel Fernández García escribió:
Xuacu García Cuello escribió:
Hola Xulio:
Val mas lo que´l sol dexa, que lo que l´agua criya: Creo que pue referise a
la cosecha y que quier decir que ye mejor una cosecha aunque nun le de muncho el
sol que si llueve abondo porque entós nun val pa ná.
La tallerá: ye un sitiu cerca de la cuerria onde se saquen les castañes de
los oricios.
La caleyá: Creo que ye un camín (sin asfaltar llenu piedres),antiguamente
yeren los caminos pa los carros.
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%
Nesta ocasión ye únicamente Daniel el qu'algama puntos, dos concretamente (nun ye válida la definición de la voz "tallerá").
Xuacu, pela so parte, queda, esta vegada, a cero.
Nun se pue confundir "tallera" con "tallerá", nin "caleya" con "caleyá"
tallerá, la: 1. La tallera llena, normalmente, d'oricios./2. La cantidá d'oricios que lleva una tallera enllena. Por exemplu podía dicise: Saquemos dos talleraes d'oricios d'aquella cuerria. En cuanto a la voz tallera, ésta designa el sitiu llanu, al llau de la cuerria, onde s'echaben los oricios cuando se sacaben d'ella.
caleyá, la: Una caleya enllena de daqué./ 2 Lo que lleva una caleya enllena de daqué. Antes vivía muncha xente nesta parroquia. ¡Vínse baxar unes caleyaes de xente!
Val más lo que'l sol dexa que lo que l'agua cría: Según esti, quiciabis, algo desaxeráu refrán, son meyores les coseches que tuvieron escesu de sol (lo que'l sol dexa) que les coseches que sufrieron escesu d'agua (lo que l'agua criya)