EL PAPÓN // LA COGORDA // DIR EL CARRO DELANTRE LOS GÜES

 

Aquí vos amosamos dos nomes y un dichu de la fala barboliego

 

EL PAPÓN // LA COGORDA // DIR EL CARRO DELANTRE LOS GÜES

 

 

 

Tomás Torre escribe:

El papón paeme que ye'l raitán, un paxarín mui güapu.
La cogorda paeme que ye una seta.

Daniel Fernández García escribe:

Hola Xulio
El papón pue ser un inseutu, cucaracha o un personax imaxinariu y mitolóxicu p'asustar a los neños. Tamién un páxaru (el petirrojo, en castellán)
La cogorda pue ser una seta, una enfermedá del maíz o una borrachera.
Lo de dir el carru delantre los gües ye facer dalgo al revés.

Joaquín García Cuello escribe:

Alla vamos otra semana más aunque esta vez nun tengo les pallabres muy clares:
   El papón: Creo que pue ser el páxaru que conocemos como petirrojo. Nun conceptu más ampliu, n'asturianu el papón ye un de los personaxes de la nuestra mitología asturiano (yo tengo un).
 La cogorda: Pue ser una seta o un mal que entra al maíz.
Dir el carro delantre los gües: Cuando se faen o suceden les coses nun orden contrariu al lóxicu.

 

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

 

Dos puntos pa Tomás Torre. Tres, pa Xuacu; y otros tantos pa Daniel.

 

El papón ye un páxaru insectívoru de pequeñu tamañu, que se conoz bien por tener una mancha grande collorada nel papu (y de hi'l nome, papón= papu grande). Fai'l nial en baxo, en terrenu con dalgo de pendiente. Canta perbién, posáu na picalina d'un árbol. Notres partes d'Asturies llámen-y raitán
 

La cogorda ye la parte esterna d'un fungu, con fechura aprosimada de paragües. Tamién se-y llama seta. Hailes comestibles y velenoses.
 

Dir el carro delantre los gües suel aplicase a les situaciones nes que'l mandu o preeminencia ente les persones va modificáu en sentíu contrariu al normal.