Pueblín de la collación que s'afaya depués de pasar El Molín de la Estaca y antes d'aportar a El Fresneal, xubiendo pela carretera que va de Sotrondio a La Colladiella, hacia'l kilómetru 2,2 aprosimadamente.

El garapiellu de cases que lu formen asítiase nuna puequeña llana, na oriella'l río, de fechura reondo y arrodiao de fuertes pendientes, lo que mos suxere una bona esplicación del probable orixe del topónimu. Asina, el términu potoxa podemos interpretalu como un deriváu despeutivu de pota, y, efetivamente, la configuración del terreno d'esta fastera recuerda, de manera visible, la forma d'una pota (la base llana y reonda, y les parés verticales).

Vei otres semeyes d'esta fastera clicando nos númberos: 01, 02