Nesta semeya que tenemos aquí enriba, podemos ver, al fondo, la ilesia parroquial de Santa Bárbola y la Casa Retoral o Casa'l Cura, entrambes nel pueblu de La Pedrera.

En primer términu y a la derecha del espeutador, tenemos les cases de Los Corvatos, vistes de perfil.

Nel ángulu superior izquierdu alcontramos Casa Cantera (debaxo) y les dos cases de La Granxa (enriba).

La Nieta son les cases que s'alcuentren hacia'l centru de la fotografía, formando una orixinal riestra que s'allarga ente el río y el camín pel que pasa la sienda verde.