A la derecha d'esta imaxe, alcontramos el barriu perabeliegu de La Casuca, formáu por un garapiellu de cases, toes elles deshabitaes, a fecha de 2006, a nun ser de manera esporádica o temporal. La casa qu'apaez a la izquierda de la foto ye la de La Cantera, tamién denominada Los Nozales.

L'orixe del topónimu La Casuca nun ofrez, en principiu, delguna dificultá interpretativa. Sería, nos sos oríxenes, una casa de pequeñes dimensiones, una casuca, a la que se diríen sumando, progresivamente y nes sos inmediaciones, dalgunes otres más, hasta formar, hacia mediaos del sieglu XX,  la estructura d'edificios que conocemos agora.