FARRAMPLIAR // CUSMÍN,-INA,-INO // EL QUE MUNCHO ESCUEYE PEL RABU LA CUEYE

Aquí vos amosamos un verbu, un axetivu y un sabiu refrán de la rica fala barboliego

FARRAMPLIAR // CUSMÍN,-INA,-INO // EL QUE MUNCHO ESCUEYE PEL RABU LA CUEYE

 

Daniel Fernández García diz:

Hola Xulio.
Farrampliar ye nevar muncho.
El refrán quier dicir que depués de muncho escoyer, cueyes lo peor.
Cusmín ye una cosa mui ruina

Xuacu García Cuello diz:

Hola Xulio:
 
     Farrampliar: Creo que pue ser cuando se habla saber del tema que se trata.
     Cusmín: cosa pequeña.
      Quien muncho escueye pel rabu la cueye: Cuanto más se escoge una cosa, se acaba escogiendo de lo peor.

 

Con estos mensaxes decídese que Daniel lleva los tres puntos. Pela so parte Xuacu algama dos, yá que nun ye válida la rempuesta que da pa la voz farrampliar.

 

farrampliar: nevar acompañao d'aire cola fuerza suficiente pa facer que los trapos caigan oblícuos o cuasi horizontales. Asina la nieve pue allegar a metese pelos ventanos o peles rendixes de les puertes...

cusmín,-ina,-ino: Que ye mui ruino, de mui escasa consistencia o fortaleza.

el que muncho escueye pel rabu la cueye: Cuando por causa d'escesives dudes se tarda muncho n'escoyer o tomar una necesaria decisión, cuérrese'l probable riesgu de tener qu'elexir una de les opciones menos afortunaes o convenientes.