L'ESCALAGÜERTU // LA SALONCA // SER MÁS TUNTU QU'ABUNDIO...

Aquí tan dos nueves palabres y un guapu y sabiu dichu

L'ESCALAGÜERTU // LA SALONCA // SER MÁS TUNTU QU'ABUNDIO...

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

Daniel Fernández García escribió:

Hola Xulio

Salonca creo que ye xaronca, una rana. Pa la zona de Lluancu dicen que ye un monstruu metade ave y metade pexe.

Escalagüertu ye un lución, un llagartu ensin pates qu' hai muches vegaes nos praos.

Lo de "yes más tuntu qu'Abundio" ye que una persona ye mui tonta, y llueu encima obedez.

Esteban Carcedo Roces escribió:

Xulio.
L´ESCALAGÜERTU. ye un reptil paeciu a les culiebres pero más brillante y inofensivu.
LA SALONCA , nun toi seguru si ye una rana ó una sacabera, pero daezme lo primero.
SER MAS TUNTU QU'ABUNDIO, ta bastante claro, ye la persona que ye mui tonta o mui zoquete(probe Abundio muncho s'acuerden d´él)
 

Joaquín García Cuello escribió:

Hola otra vez Xulio:
     Vamos coles pallabres d'esta semana.
     L´Escalagüertu: Ye un reptil paecíu a una culiebra pero totalmente inofensivu.
     La salonca: Ye una rana.
     Ser mas tuntu qu´Abundio: dizse porque al paecer había un tal Abundio que yera mui tuntu, entós ser más tuntu qu´él cuando dices o faes algo, yá ye gordo.   
                                                                       Saludos.
 

Pues, damos la norabona a estos tres constantes veceros y apurrímos-yos los tres puntos que cadaún d'ellos se merez.

 

L'escalagüertu ye un reptil de pequeñu tamañu, paecíu a una culiebra pero totalmente inofensivu. Ye fácil velu pel branu nos praos cuando s'anda a la yerba.

La salonca ye un anfibiu, común nos praos onde hai humedá y nes llamargues. Tamién se-y llama rana.

Ser más tuntu qu'Abundio...que fue a vendimiar y llevaba uves de merienda: Pues ye un dichu que se podía sentir de broma o non a algunos paisanos de la collación pa referise a alguien que facía daqué cosa bobo.