Daniel Fernández y Xuacu García son los veceros qu'unvien rempuesta a les pallabres de la sesión anterior. Pa vello, esclucái, ensin delgún mieu nin rabia, per esta portelluca dixital.
La clasificación queda, a partir d'agora, de la siguiente manera:
Daniel Fernández, trenta y cuatro puntos; Joaquín García Cuello, ventisiete puntos; Esteban Carcedo, dieciocho puntos; Ramón González, quince puntos; Tomás Torre, trelce puntos; Casio González, cinco puntos.
ENTUCAR // COMICAR // LA TROLLA
Aquí vos amosamos tres guapes pallabres de la rica fala barboliego, pa que digáis lo que signifiquen
ENTUCAR // COMICAR // LA TROLLA
Daniel Fernández García diz:
Hola Xulio
Entucar ye facer tuques, que son un conxuntu de cañes de maíz.Comicar ye comer poco.La trolla ye ñeve blando.
Tomás Torre diz:
Entucar paeme que ye facer tuques después de coyer el maíz.Comicar pue ser comer poco, andar picando algo, poca cosa.La trolla pue ser la nieve pisao cuando se fai agua.Xuacu García Cuello diz:
Hola Xulio:
Voi a apurame a escribite antes que me quites estes pallabres que creo que sé lo que signifiquen.
Entucar: Facer montones en vertical coles cañes del maíz p'amarrales y transportales.
Comicar: comer poco, picar ente hores.
La Trolla: Ye la nieve cuando se derrite y se va faciendo agua.
Un Saludu.
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
Daniel Fernández algama dos puntos (el verbu "comicar" nun ta bien definíu). Tomás Torre y Xuaciu García, pela so parte, llogren tres puntos cada ún.
entucar: Facer tuques col narvasu del maíz. Pela so parte, la tuca ye'l montón en forma aprosiamada de cono, que se fai coles cañes cortaes del maíz.
comicar: Comer con frecuencia pero en poca cantidá cada vez.
trolla, la: Nieve blando que se ta derritiendo.