Daniel Fernández, Tomás Torre y Xuacu García son los veceros qu'unvien rempuesta a les pallabres de la sesión anterior. Pa vello, abríi esta cenciella puerte dixital.
La clasificación queda, a partir d'agora, de la siguiente manera:
Daniel Fernández, trenta y seis puntos; Joaquín García Cuello, trenta puntos; Esteban Carcedo, dieciocho puntos; Tomás Torre, selce puntos; Ramón González, quince puntos; Casio González, cinco puntos.
LA ENTRULLA // TRISCAR // LA CABRA COXA NUN QUIER SIESTA; Y SI LA QUIER, CARA-Y CUESTA
Aquí vos amosamos dos guapes pallabres y un persabiu refrán de la rica fala barboliego, pa que digáis lo que signifiquen
LA ENTRULLA // TRISCAR // LA CABRA COXA NUN QUIER SIESTA; Y SI LA QUIER, CARA-Y CUESTA
Daniel Fernández García dixo:
Hola Xulio"Entrulla" ye algo así como imbécil ("Qué entrulla yes"), o tamién pue ser un atascu d' un carru nun camín.Triscar ye romper, machacar o partir algo, y ye cuando se pisa la yerba, que suena.El refrán quier decir que si vas atrasáu n'algo, nun se pue dormir nos lloreales, porque si non quédeste atrás al dir p'algún sitiu o pa facer dalgo.
Xuacu García Cuello dixo:
Hola Xulio:
La entrulla: Nun sé si podrá ser la cárcel.
Triscar: Calcar la yerba,pisotearla.
La cabra coxa nun quier siesta; y si la quier, cara-y cuesta: Da a entender que'l que tien poco talento debe aplicase más y privase del descansu pa poder llegar a l'altura de los demás aventaxaos.
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
Daniel Fernández, tres puntos. Xuacu García, dos (nun acierta cola voz "entrulla").
entrulla: Persona entrometía, vocinglera y de malos modales.
triscar: pisar la yerba, especialmente na tená.
Cabra coxa nun quier siesta y si la quier cara-y cuesta: el que tien dificultaes o escaseces nun puede perder el tiempu en descansos o folgances superflues, yá que si lo fai va a sufrir graves consecuencies.