El Cantu, con entidá propia nel nomenclátor de pueblos del conceyu de Samartín del Rei Aurelio, vien a ser, na práctica, un barriu del pueblu de Perabeles. El so nome provién del fechu de tar asentáu, precisamente, nel cantu que forma allí la orografía del terrén.

Nesta semeya tamién podemos ver, a la mano riba, parte del barriu d'El Calerón; y enriba d'ello, asina mesmo, acolumbramos El Caleru.

Na marxe derecha de la foto vemos la casa de La Llaera, y debaxo d'ella, parte de la cooperativa y la casa de Miguel y Neli.