Nesta ocasión ye únicamente Daniel Fernández el que manda mensaxe con rempuestes a les entrugues de la pasada sesión. Vémosles pinchando aquí

La clasificación queda, a partir d'agora, y a falta solamente d'esta sesión qu'aquí presentamos pa que fine l'actual edición del concursu, de la siguiente manera:

Daniel Fernández, sesenta y cuatro puntos; Joaquín García Cuello, cuarenta y cinco puntos; Esteban Carcedo, dieciocho puntos; Tomás Torre, selce puntos; Ramón González, quince puntos; Marta González Llaneza, nueve puntos; Xana Llaneza Prieto: seis puntos; Casio González, cinco puntos.

YÁ ACABA'L CONCURSU Estes son les caberes entrugues de la presente edición del concursu sobre léxicu barboliego

EL CUESTRU // LA CUCHÁ // MIENTRES LA GRANDE S'ABAXA, LA PEQUEÑA BARRE LA CASA

Aquí vos amosamos, per riba y per baxo d'esta llínia, les nueves propuestes de léxicu barboliego pa los prósimos dis.

EL CUESTRU // LA CUCHÁ // MIENTRES LA GRANDE S'ABAXA, LA PEQUEÑA BARRE LA CASA

 

Daniel Fernández dixo:

Hola Xulio, vaya difíciles que tan. Pero voi intentalo:
 
Cuestru son dos coses: una cuesta y una vara de maera que s'usa pa facer cestos.
 
La cuchá ye dir a cuchar.
 
El refrán quier dicir que les pequeñes faen meyor dellos llabores de la casa que les grandes, porque éstes nun puen doblar tan bien como les pequeñes.

 

Xuacu García Cuello dixo:

Hola Xulio:
Esta vegá sólo creo que sé'l dichu.
Mientres la grande s`abaxa, la pequeña barre la casa: Creo que puede decise cuando una persona ye grande o fuerte y se piensa que pue trabayar muncho, pero otra más pequeña, a lo meyor ye más hábil.
 
 
Felices Fiestes pa ti y la familia, y tamién pa tolos veceros qu'andamos esclucando per esta páxina.
 

 

&&&&&&&&&&&&&&&&&&&&&&&&&&&&&&&&&&&

 

Vamos a conceder a Daniel dos puntos (una de les acepciones de "cuestru" ye incorrecta); y a Xuacu, ún.

 

cuestru, el: Tira llarga y fina de maera cola que se forma'l texíu de los cestos y maniegues
cuchá, la: Efeutu de cuchar, esto ye, de char abonu, cuchu, a una tierra.
mientres la grande s'abaxa,la pequeña barre la casa: Refrán qu'empondera les cualidaes de la muyer o persona pequeña d'estatura en contra de la grande.