Dos veceros, Daniel y Xuacu, son los que mandaron rempuesta a les cuestiones sobre fala barboliego de la sesión anterior. Si vos peta velo, abríi y esclucái per esti furacu dixital.
La clasificación queda, a partir d'agora, y a falta solamente d'esta y otra sesión más pa que fine esta edición del concursu, de la siguiente manera:
Daniel Fernández, sesenta y dos puntos; Joaquín García Cuello, cuarenta y cinco puntos; Esteban Carcedo, dieciocho puntos; Tomás Torre, selce puntos; Ramón González, quince puntos; Marta González Llaneza, nueve puntos; Xana Llaneza Prieto: seis puntos; Casio González, cinco puntos.
EL COCHÁU // MOFIEGU,-A,-O // MIENTRES LA GRANDE COME'L CIRIGÜEYU,LA PEQUEÑA ARREMIELLA'L GÜEYU
Aquí vos amosamos, per riba y per baxo d'esta llínia, les nueves propuestes de léxicu barboliego pa los prósimos dis.
EL COCHÁU // MOFIEGU,-A,-O // MIENTRES LA GRANDE COME'L CIRIGÜEYU,LA PEQUEÑA ARREMIELLA'L GÜEYU
Daniel Fernández García dixo:
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
Daniel agamia dos puntos con estes rempuestes (nun mos paez lo suficientemente precisa la definición de la voz "cocháu")
cocháu, el: Un coche llenu d'algo. /2. Lo que lleva un coche llenu de daqué. Úsase muncho en frases referíes a persones: Posáronse ahí unos cochaos de xente
mofiegu,-a,-o: Que ye abundante en mofo, que se da bien nello'l mofo.
mientres la grande come'l cirigüeyu, la pequeña arremiella'l güeyu: Refrán que da a entender que ye meyor la muyer o la persona alta.