EL CHUMAZU // LOS REVOLVICOS // LEYUSU,-OSA,-OSO

Aquí vos amosamos dos nomes sustantivos y un axetivu de la rica fala barboliego

EL CHUMAZU // LOS REVOLVICOS // LEYUSU,-OSA,-OSO

Daniel Fernández García diz:

Hola Xulio

El chumazu ye una pieza del carru onde s'encaxa l'estandoriu. (l'estandoriu creo que ye  un palu, o dalgo así)

 

Revolvicos son cosquielles, o aplicao a una persona, inquietu (revolvicu)

 

Lo de leyusu-osa-oso ye que alguien "cumple" con una persona, por exemplu, va a velu cada vegada que ta cerca d' onde vive. Nun sé esplicalo meyor.

 

Xuacu García Cuello diz:

Hola Xulio:
                  Antes d'empezar coles pallabres, decite que nun tas enquivocáu: la mio moza ye de La Cerezal, por eso- y presten le semeyes de lli; y además, ¿cómo diba yo a acertar, si non, les semeyes de la parte La Cerezal nel concursu semeyil? Bueno, vamos coles pallabres d'esta selmana.
El Chumazu: Paezme que ye un balagar pequeñu de hierba.
Los Revolvicos: Son les cosquilles.
Leyusu: Creo que ye ser de lei, ser de pallabra, o sea, ser un paisano.   
                                                                         Un saludu a tolos concursantes.
 

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

Daniel Fernández algama dos puntos al nun ser válida la rempuesta de chumazu. Xuacu García, en cambiu acierta coles tres entrugues y lleva'l tríu disponible pa esta sesión del concursu.

chumazu, el.- Montón de yerba que se fai cuando tovia nun ta curao. Ye de menor tamañu que'l balagar normal.

revolvicos, los: Sensación que se produz al tocar suave en delles partes del cuerpu y que da respigos y gana de rise.

leyusu,-osa,-oso: Que ye de llei, que cumple colos amigos y parientes.