Daniel Fernández h.ue, esta vegada, l'únicu veceru qu'unvió rempuesta a les pallabres de la sesión anterior. Pa vello, abríi y pasái per esta portiella dixital.

La clasificación queda, a partir d'agora, de la siguiente manera:

Daniel Fernández, cuarenta y seis puntos; Joaquín García Cuello, trenta y cinco puntos; Esteban Carcedo, dieciocho puntos; Tomás Torre, selce puntos; Ramón González, quince puntos; Casio González, cinco puntos.

EL CERIGUILLAZU // LA PAPA ROSOLLA // VA LLOVER, ANDEN LOS SAPOS A CABALLU

Aquí vos amosamos les propuestes de léxicu barboliego pa los prósimos dis (hasta'l martes)

EL CERIGUILLAZU //LA PAPA ROSOLLA // VA LLOVER, ANDEN LOS SAPOS A CABALLU

Xuacu García Cuello  escribe:

 Hola Xulio:
El Ceriguillazu: Creo que llamaben así al paxarón del agua.
La papa rosolla: Ye un personaxe mitolóxicu creáu pa meter mieu a los guajes.
Va llover, anden los sapos a cabalu: Creo que se diz porque cuando salten munchos sapos a la vez pelos caminos, después suel llover.  
 
                                                                                          Hasta otra.
 

Daniel Fernández García escribe:

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

Coles anteriores rempuestes a la vista, sopelexamos que Xuacu algama dos puntos (nun paez lo bastante acertada la esplicación del dichu meteorolóxicu), mientres que, pela so parte, Daniel respuende bien a too, y allega, consecuentemente, a los tres.

ceriguillazu, el: Ave insectívora, de plumaxe averdoscao y manches coloraes pela tiesta. Ye mayor que la torda y más pequeña que la pega, unos trenta centímetros aprosiamao de llargo. Tien un cantu carauterísticu, agudu, que repite unes cuantes veces de seguío. Tamién se-y llama paxarón del agua. Pertenez al grupu de los conocíos como páxaros carpinteros.

papa rosolla, la: Personaxe imaxinariu col que se mete mieu a los rapacinos.

va llover, anden los sapos a caballu: Hai veces en que se ve pelos cminos a los sapos formando una curiosa parexa, na que ún d'ellos, de menor tamañu, va montáu notru más grande. Paez que ye cuando tan en celu; y según los paisanos d'antes, ello yera señal segura que precedía a l'agua, lo que paez razonable pues ye probable qu'estos anfibios necesiten tiempu lluvioso pa reproducise. Depués, por estensión y yá como rechifla y broma, tamién se dicía la mesma frase cuando se vía a un guah.e pequeñu montáu enriba d'otru más grande .