Daniel Fernández y Xuacu García vuelve a ser los veceros qu'unvien rempuesta a les pallabres de la sesión anterior. Pa vello, abríi y pasái per esta inxeniosa portica dixital.
La clasificación queda, a partir d'agora, de la siguiente manera:
Daniel Fernández, cuarenta y un puntos; Joaquín García Cuello, trenta y dos puntos; Esteban Carcedo, dieciocho puntos; Tomás Torre, selce puntos; Ramón González, quince puntos; Casio González, cinco puntos.
ACAICONAR // L'ABEYÁ // LA PITA PEL PICU PON; Y LA VACA, PELA PACIÓN
Aquí vos amosamos dos guapes pallabres y un certeru refrán de la rica fala barboliego, pa que digáis lo que signifiquen
ACAICONAR // L'ABEYÁ // LA PITA PEL PICU PON; Y LA VACA, PELA PACIÓN
Daniel Fernández García dixo:
Hola Xulio.
Acaiconar creo que ye andar como los coxos. Dizse "Va acaiconando", que ye va acoxando.
L'abeyá ye una vaca paría.
El refrán quier dicir que la pita que come muncho pon muncho, y la vaca que come muncha pación da muncha llechi.
Xuacu García Cuello dixo:
Hola Xulio:
Acaiconar: acoxar.
L'abeyá: Ye una vaca paría.
La pita pel picu pon, y la vaca pela pación: Creo que quier decir que la pita tien que tar tol día picotiando pa que ponga bien; y una vaca, tol día paciendo pa dar muncha lleche.
Un saludu y prepara les cadenes que va a nevar.
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
Güei podemos anunciar con allegría qu'agamien los tres aciertos tanto Daniel como Xuacu, lo que-yos val pa sumar tres guapos puntos cada ún d'ellos.
Acaiconar ye,efetivamente, lo mesmo qu'acoxar, esto ye, andar ensin apoyar bien un de los pies.
El refrán "la pita pel picu pon y la vaca pela pación", que presenta tamién la variante "la pita pon pel picu y la vaca pel focicu", quier dar a entender que si queremos qu'estos dos animales mos den, respectivamente, güevos y lleche n'abundancia, ye imprescindible que-yos suministremos una bona y abundante alimentación.
En cuanto a la voz abeyá, que se proponía nesta xornada, debemos esplicar qu'esta pallabra pue tener dos significaos bien diferentes entre sí. Per una parte, como sustantivu, una abeyá ye una gran cantidá d'abeyes y por estensión una gran númberu de cualquier otru elementu. Por exemplu si decimos que pasaron corriendo una abeyá de rapacinos queremos decir que pasaron corriendo munchos rapacinos.
Pero, per otra parte, tamién esiste l'axetivu abeyá o beyá que suel aplicase mayormente a una vaca paría, como bien dicen los concursantes, anque tamién a veces se pue sentir refería a les femes d'otres especies de mamíferos.