Nesta ocasión fueron Marta González, Daniel Fernández y Xana Llaneza los veceros que mandaron rempuesta a les cuestiones sobre fala barboliego de la sesión anterior. Si vos peta velo, abríi y esclucái per esta ventana dixital.

La clasificación queda, a partir d'agora, de la siguiente manera:

Daniel Fernández, cincuenta y nueve puntos; Joaquín García Cuello, cuarenta y tres puntos; Esteban Carcedo, dieciocho puntos; Tomás Torre, selce puntos; Ramón González, quince puntos; Marta González Llaneza, ocho puntos; Xana Llaneza Prieto: seis puntos; Casio González, cinco puntos.

L'ABEYAERU // ENDAÑAR // PA BAXO, CALABAZA RODA

Aquí vos amosamos, per riba y per baxo d'esta llínia, les nueves propuestes de léxicu barboliego pa los prósimos dis.

L'ABEYAERU // ENDAÑAR // PA BAXO, CALABAZA RODA

Daniel Fernández García diz:

Hola Xulio.

 L' abeyaeru ye un colmenar.

 Endañar ye cuando una vaca pare.

 El refrán quier dicir que cuando la situación pa facer algo ye bona, puen facese munches coses.

 

Marta González Llaneza diz:

Hola:
 
Esta selmana son mui difíciles, pero voi arriesgame a decir lo que me paez o que me contaron.
 L'abeyaeru- Paezme que ye la colmena onde tan les abeyes.
Endañar - Cuando una vaca ta salía de cuentes.
Pa baxo, calabaza roda - quier decir que pa baxo nun cuesta trabayu caminar.
 Un saludu.
 

Xuacu García Cuello diz:

Hola Xulio:
L´Abeyeru: Creo que ye un sitiu onde hai munches abeyes.
Endañar:Tar una vaca salía de cuentes.
Pa baxo, calaba roda: Ye como decir que cuesta abaxo cualquier cosa baxa bien.
                                                                                         Saludos.

 

Vistes les rempuestes unviaes por estos veceros, el xuráu de peraveles.com decide concender un puntu a cada ún de los participantes. A los tres, por lo mesmu: la correcta esplicación del refrán amosáu. En cuanto a les voces abeyaeru y endañar, nun mos queda más opción que nun aceptar, como propios de la fala barboliego, ningún de los significaos apurríos.

 

abeyaeru, l': La rendixa del caxellu, per onde salen y entren les abeyes.//2. En sentíu figuráu tamién recibe esti nome el nial de les muyeres.

endañar: Morder facer un trabayu o llabor, Verbu usáu n'espresiones como Nun se m'endaña ná dir a facer esti llabor... Véte a pola lleña, anda, ¿qué se t'endaña?.

pa baxo, calabaza, roda: Cuando les condiciones y circunstancies son favorables, los trabayos fáense con mui pocu esfuerzu.