La Robellá o La Rebollá ye un de los pocos pueblos de Santa Bárbola que s'alcuentren na costanera de la derecha del valle principal. Llégase a él garrando, na carretera de Sotrondio a Los Caleyos, a la altura de Casa Gil, el desvíu a la izquierda que pasa per col Prau de la Fiesta'l Pote, y poco depués, el de la derecha que sigue pelos sitios de Los Corvatos y El Batán, antes d'aportar a La Robellá. La carretera continúa, lluego, ascendiendo, hasta Veró, onde acaba.
Nesta semeya, sacada por Manuel Llaneza, podemos observar la parte central del pueblu, xunto colos barrios de Les Cases de Riba, na parte superior-izquierda, y La Cabañina, a la derecha.
Si pinchamos nesti sorrayao podremos ver una riestra de fotografíes d'esta guapa fastera, unviaes pola nuetsra collaboradora Agripina Camblor.