El pueblu de La Granxa fórmenlu solamente
dos cases, y alcuéntrase al pie de la carretera xeneral del valle,
nel tramu comprendíu ente les regüeltes de La Curvona y de La
Cochera Maruja. Tamién, si queremos, podemos situalu diciendo que
queda hacia'l mediu del camín-atayu que sube dende la ilesia (en La
Pedrera) hasta'l Mesón la Curva (n'El Cantu les Mates).
Entrambes viviendes hai cuantayá que tan deshabitaes.
Según el Diccionariu de l'Academia de la Llingua Asturiana,
la pallabra granxa tien estos tres significaos:
1. Sitiu preparáu pa la cría y esplotación
d'animales.
2. Tierra ensin semar.
3. Tierra erma.
Mientres nun tengamos más datos referíos al
usu antiguu que se-y pudiera haber dao a esti sitiu concretu, tendremos que
pensar que cualquiera de les tres citaes posibilidaes, aplicada a la interpretación
del topónimu, pue, guapamente, ser la correcta.
