El sitiu de L'Argayá alcuéntrase a la manzorga, visto de frente, del pueblu d'El Cantu, na fastera de Perabeles, y a la mano baxo de la carretera que xube pa El Rezaleru. Na semeya que ponemos aquí puen vese, hacia'l centru de la imaxe, los dos grupos, de dos cases cada ún, que formen el pueblicu. A la derecha apaez la casa de Vicente'l Zapateru, q.e.p.d., y pa la parte riba alcontramos los barrios d'El Calerón y El Caleru.

Esti topónimu pensamos qu'hai que lu enteneder col significáu de la (parte o fastera) argayá, que vendría a ser lo mesmo que dicir: el terrenu aquello onde se produxeron argayos de cierta consideración.