El pueblu barboliegu d'El Riocerezal llevántase na costanera izquierda,
según el correr del agua, del río principal de la collación
de Santa Bárbola. A la derecha y escontra baxo, visto de frente,
alcuéntrense los pueblos d'El Corralón y El Cantu les Mates,
mientres qu'a la izquierda, separaos por un allargáu cantu, afáyense
La Casuca, Les Caecima, El Socorral y demás barrios de Perabeles.
L'orixe etimolóxicu d'esti topónimu paez, a primera vista,
claru y evidente: el nome del pueblu sería'l mesmu qu'el del río
o regueru que pasa pela fastera (antes yera corriente llamar río
a les corrientes d'agua menores, a les qu'agora mos referimos, en
xeneral, col apellativu de regueru). Pela so parte, la palabra cerezal
puede tar faciendo referencia, bien a un sólu exemplar d'esti conocíu
árbol frutal, o bien a un conxuntu d'ellos, anque tampoco tenemos
que considerar como imposible qu'esta actual forma cerezal seya una
deformación d'una posible forma antigua *cerceal, (del llatín
quercus = ancina) que designaría un antigüísimu bosque
d'ancines o de rebollos.
Na pronunciación popular del nome d'esti soleyeru pueblicu, tamién
podemos sintir estes dos variantes: El Recerezal y El Rocerezal.
Na semeya panorámica que tenemos mangada aquí enriba, vemos
El Riocerezal nel centru de la imaxe, asomando una parte de Perabeles nel
ángulu inferior izquierdu.
Tenemos más semeyes de la fastera:
01