El nome d'esti pueblu, que s'alcuentra
na fastera de Co la Iglesia, tien el so orixe nel antiguu molín fariñeru,
conocíu a mediaos del sieglu XX como El Molín de Silo,
a la oriella del río principal de la collación, y del que tovia anguaño
se pue contemplar la edificación esterior. Hubo aquí tamién un
comerciu, el de Velino'l Ciegu y Arnesta, que despachó, hasta la década
de los sesenta, comestibles y demás mercancía a los veceros
de la parroquia.
