Nuevamente mos atopamos ensin participante que seya a identificar el sitiu de la imaxe de la portada anterior. Y eso que yá son ná menos que trés les semeyes ufiertades y que reflexen el mesmu llugar dende óptiques diferentes. Poro, vamos a dexar de momentu'l dichosu corral, y pasar a apurrir a la vecería semeya nuevo , qu'aseguramos más fácil y lluminoso que lo anterior. Asina que, venga, a fartucase de puntos...¿Qué ye y ónde s'afaya lo que representa la imaxe de qui enriba?
Nun fai falta dicir que la clasificación continúa ensin modificaciones: Narciso Suárez Llaneza, seis puntos; Xosé Antón Camblor, cinco puntos; Xuacu García Cuello, tres puntos; Vicente Suárez Suárez, tres puntos; Ástor Llaneza Prieto, dos puntos.
Narciso Suárez escribió:
Tienes razón, esta ye mas asequible, nesta panorámica vese La Vallemilaños de Julio, L'Argayá, El Calerón, El Caleru, EL Soledráu y al fondo El Marquesón col depósitu de la traída de Peraveles. Arriba, debaxo d'El Picu l'Artusu, un poco que reblanquia ye L'Acapiellu nuestru. Y un poco prau que se ve debaxo del Picón ye La Forniella.
Xosé Antón Camblor escribió:
Que tal Julio. Menos mal que mos quitasti la disocha cuadra, si nón nun echamos pasu alantre. Vamos con esta d'ahora, vense los pueblos d'El Caleru y d'El Calerón ente otres coses de La Hijuela. ChaooooooooooooooooooooooXuacu García Cuello escribió:
Hola Xulio:Na semeya que tienes puesta esta vez, vense los pueblos d'ElCalerón y d'El Caleru. Saludos.
Vicente Suárez Suárez escribió:
Hola Xulio. Esta ye fácil, paecía a otra que punxisti. Nesta ocasión los pueblos que vemos son El Calerón y El Caleru. Per riba pues lo mismo que la otra: L'Artusu, La Peñona, y, venga voi a enrollame un poco mas, vemos tamién El Marquesón, La Fuente'll Rebollal, una esquina de La Mata Ernesta, L'Espineal, Soledrau,...Un saludo.
Correutes dafechu les respeutives rempuestes apurríes por estos cuatro veceros participantes. Poro, la nuestra norabona a tous ellos.