Pa despedir, al mesmu tiempu, l'añu 2005 y la edición
payares-avientu del concursu semeyil barboliegu, tenemos estos mensaxes
que respondieron acertadamente a la entruga sobre la semeya
de la portada anterior:
Audilio González Rozada.- Hola,
Julio: Feliz 2006, a todos. Esta semana, tengo serias dudas, pero creo
que pudiera ser el "Prau Regueru", de Mario el de Silvo. Un saludo muy
cordial. Audilio G. Rozada.
Joaquín Suárez: Xulio, esta vez
ye más conocío pa mi, pues nesti prau tocóme andar
a la yerba unos cuantos años, que lu llevaven la mio familia. Ye La
Fuente'l Vasu de Mario Rojo de Sotrondio. Saludos y ¡Feliz Añu
Nuevu!
Marta González Llaneza.- Xulio: Creo que la semeya ye de
La Polaúra, paezme que ye un prau que ta enfrente a ún que
tenía mio pa. Yera de Julio y creo qu'ahora ye de la fía
de Mario Rojo. Feliz Añu 2006. Marta.
Miguel Ángel García Suárez: Hola, Xulio. Esta
semeya ye El Prau Regueru de Mario Rojo, que ta debaxo del prau de los mios
hermanos y miu. Un saludu a toos/es.
Jorge del Recerezal: La semeya que colgasti na páxina esta
vegá, ye d'El Prau Regueru, na festera de La Polaúra, onde
tien una cabaña Mario Rojo (q.e.p.d.) y Ana Maria, los que tenien
la Droguería en Sotrondio. Feliz Añu Nuevu a toos.
Demelsa González Viña: Bueno, la última d´añu
y pa seguir col concursu, que a tolos collacios nos presta munchu. Bueno,
voi con la respuesta, la semeya d'esta vez ye El Prau Regueru de Mario
Rojo. Un saludu y un feliz añu pa toos.
Asina, d'esta manera, sumando los caberos puntos, y como
resultáu de la
clasificación final, podemos sopelexar que'l ganador d'esta
edición ye Miguel Ángel García Suárez, collaciu
vecín del pueblu de La Cruz, al que, dende la redacción
de la fueya, tenemos l'allegría d'unviar la nuestra sincera n'horabona
y felicitación. Nunos dis, vamos a mirar de ponemos en contautu
con elli, col oxetu d'apurrí-y el regalicu que, polos sos notables
conocimientos de xeografía barboliego, creemos que tien más
que perbien merecíu.
Y, nada, amigos, collacios, veceros, vecinos y visitantes
en xeneral. Non sé si merecerá la pena siguir esmoleciéndovos
con tanta semeya y tanta pregunta. Pero si nun vos cansa nin repuna esti
concursu, por nosotros podemos siguir p'alantre con una nueva edición.
Otros dos meses con premiu pal que mayor puntos saque, pero con la condición
de que nun recibiere yá premiu notres ocasiones anteriores.
Entóncenes, si ye que neso quedamos, podéis
entamar agora mesmo a escribir diciendo con precisión qué
ye lo que se ve na semeya
