Esta vegada foron tres los mensaxes recibíos nel buzón dixital de la fueya barboliega apurriendo rempuesta a la entruga sobre la identificación de la semeya de la portada anterior. Si queremos ver lo que dixeron nun tenemos más que furar virtualmente pela buraca esta.

Agora la clasificación queda modificada de la manera que darréu amosamos:

Demelsa González Viña, siete puntos; Narciso Suárez, seis puntos; Daniel Fernández García, cuatro puntos; Xurde'l Recerezal, cuatro puntos; Xuacu García Cuello, tres puntos; Xosé Antonio Camblor, tres puntos; Lluis Ánxel Suárez, tres puntos; Ástor Llaneza Prieto, dos puntos; Corralón Azul, dos puntos; Xurde Alberto García Fernández, dos puntos; Xosé R. González Suárez, un puntu;

Apurrimos, agora, semeya nuevo pa la so identificación. Hai que dicir qué ye y ónde s'afaya lo que representa la imaxe de qui enriba.  

Daniel Fernández García dixo:

Hola Xulio.

Esta ye perfácil: ye'l puente de L'Entregu, casi enfrente la estación de Feve.

Estes son fáciles, pero les de les fontes nun se ninguna... h.e h.e.

Un saludu.

 

Corralón Azul dixo:

Yá toi equí otra vez, dempués d'unes vacacionuques, así qu'esto paezme el Corredor del Nalón al pasu per L'Entregu. Un saludu.

 

Xosé Antón Camblor dixo:

Esto ye'l Corredor del Nalón a su pasu per L'Entregu.

 

Narciso Suárez Llaneza dixo:

Ye'l puente de la AS-17 a l'altura de L'Entregu.

 

Lluis Ánxel Suárez dixo:

Hola Xulio, esta última paezme que ye'l Corredor y el Nalón a la entrá de L'Entregu (o la salida, según cómo se mire).
Ta lluego.

Xurde'l Recerezal dixo:

La semeya d'esta selmana, ye'l puente o viaductu, del Correor del Nalón que pasa penriba del barriu del Pontón, en Sotrondio, y les cases que se ven son les del mesmu barriu.
Saludos. Jorge.

============================================

Son acertaes toes les rempuestes menos la de Xurde'l Recerezal: la llocalidá na que se topa el Corredor del Nalón nesta semeya nun ye Sotrondio, ye L'Entregu.