Allegaron tres mensaxes con rempuesta a la entruga sobro la identificación de la semeya de la portada anterior. Podemos velos selemente si somos a pasar per esta portellica dixital. Agora la clasificación queda de la siguiente manera: Toño, trenta y ocho puntos; Narciso, trenta y cuatro puntos; Berto, venti puntos; Xuacu, decinueve puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu; Xosé Roberto González, un puntu.

Nueva semeya y entruga: ¿Qué ye y ónde s'afaya lo que representa la imaxe de qui encima?

Toño Camblor dixo:

Julio ahora cambiasti de sitiu. Esto llámase El Pandu l'Abayuetu, ta debaxo de Veró, nel camín que va de La Robellá hasta La Llera. Por cierto, pa lla un cachu de les cases había unos barrizales, que trababen les caballeríes. ¡Nun lu anduvi yo casi ná! Díbemos a la yerba a un prau que se llamaba Les Casuques, que ta debaxo d'El Pandu Cabu. Tamién lu pasiemos muncho pa dir a bañamos a El Puzu de la Llera, pero ahí yá dibemos de meyor gana. ¡Qué tiempos! Yera de la familia de la madre d'Oscar el de L'Escobal. Bueno, nun t'enrollo más.

Narciso Suárez dixo:

 Esta ye d'El Pandu l'Abayuetu. Saludos.

 

Bones y correutes les dos rempuestes de los veceros participantes, y guapa y eshaustiva la esplicación que mos apurre Toño, que se nota que lo conoz perbién. La clasificación, entóncenes, queda de la siguiente manera: Toño, trenta y nueve puntos; Narciso, trenta y cinco puntos; Berto, venti puntos; Xuacu, decinueve puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu; Xosé Roberto González, un puntu.