Casio y Xosé Ramón son los dos veceros que mandaron mensaxe con rempuesta correuta a la entruga sobre la identificación de la semeya de la portada anterior. Furando per esta buraca virtual pasamos a velo tranquilamente.
La clasificación queda, dempués d'esta cabera modificación, de la manera que, darréu, s'amuesa: Xuacu García Cuello, cinco puntos; Casio González Suárez, cinco puntos; Lluis Ánxel Suárez Suárez, tres puntos; Esteban Carcedo Roces, tres puntos; Xosé Ramón González Suárez, dos puntos; Xosé Antonio Camblor, un puntu.
Siguimos con nueves fotografíes de paisaxe barboliego. A ver si sois finos y mos sois quien a dicir qué ye y ónde s'afaya lo que representa la imaxe de qui enriba.
Hugo'l d'El Corralón dixo:
Hola, soi Hugo d'El Corralón. Paezme que ye'l camín que separa la güerta de mio güela Luz y la de Pepa.
Vanesa d'El Corralón dixo:
Hola, soi Vane, la fía d'Hugo d'E Corralón y paezme que la semeya ye'l camín que separa la güerta de mio bisaguela cola praera de Pepa n'El Riocerezal.
Xuacu García dixo:
Hola Xulio:
La semeya que tienes puesta ahora, paezme que ye del camín que sal de L'Edráu, y sube hasta La Polaúra, y sal a la carretera un poco pa baxo la fuente.
Saludos.
Damos por válides les rempuestes de los veceros Hugo y Vanesa, pero la del collaciu Xuacu, llamentablemente, nun ye acertada.