Siguimos atropando, ensin aparar, rempuestes correutes nesti concursu semeyil de la nuestra collación. Güei tenemos, nel buzón peraveliegu, les de Casio, Ramón, Velino y Esteban, que dixeron acertadamente ónde s'afayaba la imaxe de la fotografía de la portada anterior. Un guapu puntu más pa cada ún d'estos veceros, lo que fai que la tabla clasificatoria quede de la manera que darréu amosamos:
Casio González Suárez, diez puntos; Lluis Ánxel Suárez, seis puntos; Xosé Antonio Camblor, seis puntos; Xuacu García Cuello, cinco puntos; Ramón González Suárez, cinco puntos; Avelino González Suárez, cinco puntos; Daniel Fernández García, tres puntos; Esteban Carcedo Roces, tres puntos; Xana Llaneza Prieto, un puntu; Marta González Llaneza, un puntu; Pedro Carcedo Roces, un puntu.
Y, pa siguir col esitosu entretenimientu, mangamos, darréu, una nueva fotografía. ¿Qué ye y ónde s'afaya lo qu'apaez na imaxe d'ella?
Xosé Antonio Camblor diz:
Esto ta pa lla un poco del lavadero de L'Escoba, a mano izquierda, apegao a un horro nel camín que va pa Les Argayaes.
Xuacu García Cuello diz:
Hola Xulio: Los fines de semana despístome un poco, ¿qué ye que pones fotos nueves pa esos dis?. Bueno, la semeya d'esta semana paezme que puede ser una cuadra o casa vieya que ta en pueblu de L'Escobal, depués de pasar el llavaderu pel camín que va a Les Argayaes. Ta llueu.
Tomás Torre diz:
Esto ye la casa de Rogelia y llámase La Cabornia. Yera una casa perguapa, tenía forno pa cocer el pan, campana pa les calamiyeres pa colga'l pote y xardu pa les castañes. Ye una pena que se caiga.
Casio González diz:
Hola collaciu, cambiamos de llugar. Nesta vez toca La Cabornia, y la casa ye la de María los Gatos. Un saludu.