Pa la semeya de la portada anterior, alcontremos, nel buzón dixital peraveliegu, dos correos con rempuesta acertada: el de Xosé Antonio y el de Lluis Ánxel. Vamos de siguío a poder vellos metiéndomos per esti enllace.
Asina, entóncenes, la tabla de clasificación queda, a falta d'una semeya, de la manera que darréu amosamos:
Casio González Suárez, ventidós puntos; Xosé Antonio Camblor, quince puntos; Lluis Ánxel Suárez, dolce puntos; Xuacu García Cuello, diez puntos; Avelino González Suárez, nueve puntos; Ramón González Suárez, seis puntos; Daniel Fernández García, seis puntos; Esteban Carcedo Roces, cuatro puntos; Xana Llaneza Prieto, dos puntos; Marta González Llaneza, dos puntos; Pedro Carcedo Roces, un puntu; Tomás Torre, un puntu.
Y, amigos y veceros, ésta ye la cabera foto de la edición inviernu-primavera del concursu semeyil barboliegu. Asina que tenemos que saber, pa quedar con bon sabor, qué ye y ónde s'afaya lo que representa la imaxe de qui enriba.
Xosé Antonio Camblor diz:
Julio, vamos cola última. Tas en pueblu d'El Costayu. Ye la cuadra d'Herminio Roces que ta xunto al camín que va pa La Braña, y cala a La Robellá. Ta nel medio'l pueblu.
Lluis Ánxel Suárez diz:
Hola Xulio. Esta última ye La Casona de Los Casorra en Costayu.
Ta lluego.
Xuacu García Cuello diz:
Hola Xulio: Espero acertar esta última semeya. Paezme qu'estes cuadres tan tamién n'El Costay,u a la parte baxo de les cases. Un saludu y a seguir toos visitando Santa Bárbola.