Pa la semeya de la portada anterior únicamente mos aportó un mensaxe apurriendo rempuesta a la entruga sobro la identificación de so. Seremos a lleelu si pasamos per esta buraca dixital y accedemos a la páxina que lo reflexa. Dempués del correspondiente cambiu, la clasificación queda, entóncenes, de la siguiente manera: Toño, trenta y dos puntos; Narciso, trenta y ún puntos; Berto, venti puntos; Xuacu, decisiete puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.

Y darréu amosamos semeya y entruga nuevo: ¿Qué ye y ónde s'alcuentra lo que representa la imaxe de qui encima?

Narciso Suárez dixo:

Esta última fue mui gorda. Mira que la miré y remiré, sonábame pero nun fui quien a dar con ella, y, claro, cuando lleí lo de Toño yá me di cuenta, ye asomame a delante casa y yá la veo namás mirar pa baxo.

Bueno, a ver esta, pue ser El Regueru debaxo d'onde tenemos les cocheres, qu'hai una cascá pa baxo impresionante. Tienla en foto'l chaval que compró lo de Monse en El Corralón "Cascada de El Regueru", tien subíes fotos mui guapes. Saludos.

Toño Camblor dixo:

Jolines, Julio, esto yá ye pasase, tío, cada vez lo pones más complicao. Aquí nun hai ninguna referencia per onde tirar, amigu. Pero mui lejos nun pue tar, voi dicite una al bultu, será'l que pasa per xunto to casa. Chaooooooo .

 

Reconocemos que les referencies de la semeya yeren mínimes y, poro, nun resultaba gota fácil identificala. La imaxe correspuende a la llamada Reguera la Pieza, que ye la que pasa pelos barrios perabeliegos de La Corrá y La Llosa'l Valle. Concretamente la semeya ta sacada nun pingón que s'alcuentra ente El Llosetu, a la izquierda según se baxa, y La Llosa'l Valle, a la derecha. Asina, entóncenes, solamente podemos dar por válida la rempuesta apurrida por Toño, lo que-y val pa sumar un nuevu y valiosu puntu, quedando, dempués d'ello, la clasificación de la siguiente manera: Toño, trenta y tres puntos; Narciso, trenta y ún puntos; Berto, venti puntos; Xuacu, decisiete puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.