Aportaron al buzón virtual de la fueya barboliega un total de tres mensaxes con rempuesta a la entruga sobre la identificación de la semeya de la portada anterior. Pa vello puentero y selemente nun tenemos más que furar per aquesta perestraña buraquica dixital. La clasificación queda agora de la manera que darréu s'amuesa: Berto, dolce puntos; Narciso, dolce puntos; Toño, ocho puntos; Ástor, tres puntos; Lluis Ánxel, dos puntos; Xuacu, dos puntos; Daniel, un puntu; Xana, un puntu; Xosé Ramón, un puntu.

Y siguimos, como nun podía ser d'otra manera, alantre col varal llantando nueva semeya cola correspondiente entruga: ¿Qué ye y ónde s'afaya lo que representa la imaxe de qui enriba?

Xuacu García Cuello escribió: 
Hola Xulio: Voi dame priesa escribir esta vez, que siempre se me pasa. Paezme qu'esta cuadra ye de Lolo (Romería) que ta a la parte baxo la carretera de llau Los Ribayos. Un saludu.

Xosé Antón Camblor escribió:

Julio, ¡vaya cómo les prepares! Esta paezme que nun tuvisti qu'andar muncho, ta debaxo de to casa tirando  pa la derecha, viéndola desde El Colláu Espín. Chaooooo.

 

La foto de la portada reproduz la cuadra de Los Ribayos, que s'alcuentra en Perabeles, debaxo mesmo del Chigre Los Ribayos y cerca, efetivamente, de mio casa en La Llosa'l Valle. A pesar de que s'atopa dalguna imprecisión ya inexactitú nes rempuestes, damos por bones entrambes y apurrimos, poro, los correspondientes puntos a los veceros que les remitieron. Entóncenes, la clasificación queda asina: Berto, dolce puntos; Narciso, dolce puntos; Toño, nueve puntos; Ástor, tres puntos; Xuacu, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu.