Allegaron al buzón dixital de la fueya barboliega dos animosos mensaxes con rempuesta a la entruga sobro la identificación de la semeya de la portada anterior. Pero, llamentablemente y yá por segunda vegada, tenemos que sopelexar que nun son correutos. Vémoslo too ello pinchando nesta pasera virtual.

Agora, nueva semeya barboliego:¿Qué ye y ónde s'alcuentra lo que representa la imaxe de qui enriba?

Narciso Suárez Llaneza escribió:

A ver si marcamos, porque ¡vaya equipo que nos axuntemos! ¡Tamos como l'Sporting! ¡Nun hai quien marque un gol!

Paezme que ye la cuadra d'El Prau Carlos del Artusu, pero ta despistándome l'artadal, que nun se ve la puerte, y tien una per cada llateral. Hai tiempu que nun paso pehí, pero polos cuatro árboles: l'omeru y el roble detrás y los dos fresnos delante, tien que ser.  Debaxo'l fresnu de ca, había una paré que tenía una llabanona grande, que pel verano tábase na gloria chau enrriba.Saludos.

Alberto González Orviz escribió;

Si nun m'equivoco,  esa ye la cuadra'l Bescón de Luzdivina. Un saludu.
Feliz 2012, Salud y República
 

Efetivamente, como bien mos supo dicir Alberto, la foto en cuestión correspuende a lo que queda de la cuadra d'El Bescón de Ludevina, na parte cimera d'El Valle les Fuentes. Asina que damos-y la norabona a Berto Argayaes a la vegada que-y apurrimos un valiosu punticu pa qu'agrande la so corexa. La clasificación queda, entóncenes de la manera que s'amuesa pasando per esta buraca virtual.

Berto tamién mandó esti mensaxe referíu a la semeya anterior:

La semeya anterior nun toi seguru, pero  pudo ser apradíá nes fuentes del Cuári, un prau abiertu que ta enriba Los Llanos del que siempre oyí que quedó pa la iglesia porque el paisanu esi, El Cuari, acabó nun asilu y nun debía tener más familia.
 

Pero nun se correspuende cola realidá. Asina que la fotografía sigue ensin descubrise.