Allegomos al buzón dixital de la fueya barboliega un mensaxe con rempuesta a la entruga sobro la identificación de la semeya de la portada anterior, l'unviáu por Narciso Suárez Llaneza, que seremos a lleer pinchando nesti sorrayáu.

Asina, d'esta manera, tenemos que  Narciso ye'l primer participante qu'estrena la clasificación, con un guapu y prestosu puntu. Per otra parte, queremos recordar qu'esta edición del concursu semeyil va a tener una duración aproximada de tres meses, yá que ta previsto que termine al mesmu tiempu que la estación de la seronda que va sólo unos díes entamemos.

Nueva semeya presentamos cola so correspondiente entruga: ¿Qué ye y ónde s'afaya lo que representa la imaxe de qui enriba?

Narciso Suárez escribió:

Esta ye de La Cerezal, paezme que d'El Bericiusu, pe riba, onde La Capilla. Vese al fondo La Bobia. A ver si Toño y compañía anden conectaos porque a esta tienen que da-y maera yá. Saludos.

Xuacu García Cuello escribió:

Hola Xulio: Por supuestu que m'apetez participar y menos mal que me mandasti la páxina porque precisamente un d'estos díes andaba buscando la páxina y, nun sé qué pasó a esti buscador que nun la encontraba de ninguna manera. Bueno, vamos cola semeya, ye en pueblu La Cerezal, vese en concreto L´Ablanéu y el Viriciusu,con la Bobia al fondo.

Xosé Antón Camblor escribió:

Hola Julio, tamos aquí otra vez. Ha qu'avisar cuando s'empieza,que después cuesta muncho'l remontar. Pero vamos cola foto, esto conózolo bien, ye'l mio pueblin d'El Vericiusu, ho. A ver si se va animado la xente.