Nesta ocasión, allegaron al buzón dixital de la fueya barboliega un total de cuatro mensaxes con rempuesta a la entruga sobro la identificación de la semeya de la portada anterior. Pasamos per esta buraca virtual y vémoslo y lleémoslo dafechamente. La clasificación agora, dempués de les correspondientes sumes de nuevos puntos, queda de la manera que darréu vos amosamos: Narciso, ventisiete puntos; Toño, venticinco puntos; Berto, venti puntos; Xuacu, quince puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.
De siguío, pasamos a ufrir a los visitantes semeya y entruga nuevo pal concursu: ¿Qué ye y ónde s'afaya lo que representa la imaxe de qui encima?
Narciso Suárez dixo:
Cruzasti'l río. Esto ye El Riocerezal, les primeres paezme que ye la casa de Ferín, la que ta nueva detrás ye la de Julio'l de Pasadores y pegá a esta que se ve mal ta la de Agustina. Lo que se ve caío, toi en cuenta que fue cuando l'argayu aquel tan grande qu'hubo, que lo llevó per delantre, nun m'acuerdo del añu, diba yo a la escuela El Parque y llegaben les nates abaxo a la carretera xeneral.
Antón Camblor dixo:
| Dos puntos son los que s'apurren a estos dos veceros (ún a ca ún) poles rempuestes unviaes, consideraes dafechamente correutes. Asina, la clasificación sufre modificaciones y queda de la manera siguiente: Narciso, ventiocho puntos; Toño, ventiséis puntos; Berto, venti puntos; Xuacu, quince puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu. |