A causa de les incidencies ocurríes durante les selmaes pasaes que fixeron que nun se pudieran ofrecer les imáxenes del concursu cola frecuencia habitual, vamos a prorrogar la duración d'esta edición iviernu 2008 hasta l'acabaúra del presente mes de marzu. La clasificación ta bastante reñida y nun hai tovia un claru ganador. Asina que ¡bona suerte a tous!.

Solamente tuviemos un mensaxe, afortunademente pal autor, correutu na rempuesta qu'unviaba a la entruga sobre la identificación de la semeya de la portada anterior. El remitente ye Ramón González, que d'esta manera acércase al puestu de cabeza na clasificación d'esta edición d'iviernu, cuando ya sólo falten pal final de la mesma, dos fotografíes más: ésta d'agora y la que se va a colocar el prósimu llunes.

La clasificación queda, entóncenes, dempués de sumar esti puntu, de la manera qu'amosamos darréu: Xuacu García Cuello, dolce puntos; Xosé Ramón González Suárez, once puntos; Marta González Llaneza, seis puntos; Xosé Antonio Camblor, seis puntos;  Esteban Carcedo Roces, cinco puntos; Lluis Ánxel Suárez, cinco puntos; Xana Llaneza Prieto, dos puntos; Tomás Torre, un puntu.

Xana Llaneza dixo:

Xuacu García dixo:

Hola Xulio:
La semeya que tienes ahora puesta ye d'El Corralón, onde se pue ver la escuela. La semeya tien que tar sacá desde los Ribayos o desde delante to casa. ¡La final ta mui apretá! 
                                                                                                     Saludos.                             

Xosé Antonio Camblor dixo:

Julio, esto ye El Cantu les Mates cuando la nevá.