La semeya
de la portada anterior resultó, polo visto, un poco más difícil
qu'algunes de les otres. Quiciás el fechu de tar na parte de Santa
Bárbola que mira pal valle del río Muñero fixere
la so identificación una migaya más complicada. El casu ye
que tuviemos nel buzón de la revista un total de cinco mensaxes, anque
solamente dieron nel clavu, con rempuesta acertada y precisa, tres d'ellos.
Darréu d'estes llínies vos los vamos a asoleyar:
Audilio González Rozada.- Hola, Julio: Creo que, en
esta ocasión, la foto corresponde a Los Enterriegos, de Isidoro. Un
saludo cordial. Audilio G. Rozada.
Demelsa González Viña: Hola collacios, fai tiempu que nun
participo, pero ye que habíen quitao los ordenadores y como en casa
nun tengo, nun podía ver les fotos, cosa que ya echaba de menos porque
tamos mio pa, mio ma y yo pensando ónde ye. Bueno, nun m' enrollo más,
la semeya d'esta semana son los Santarriegos de Sidoro, y la portiella que
se ve son los Santarriegos del Moreno; al fondo, la carva Felgazo. Un saludu.
Miguel Ángel García: Hola Xulio y demás collacios.
La semeya d'esta semana ye en Los Enterriegos. Paezme que ye la cuadra de
Sidoro l'Edráu. Un saludu a toos/es.