Un total de seis participantes unviaron rempuesta y acertaron la entruga sobre la identificación de la semeya de la portada anterior. Sabemos quién son y lo qu'escribieron pasando per isti virtual y cenciellu ventanucu.

Con esta nueva xornada, la clasificación queda modificada de la manera que darréu amosamos:

Demelsa González Viña, seis puntos; Narciso Suárez, cinco puntos; Daniel Fernández García, cuatro puntos; Xurde'l Recerezal, cuatro puntos; Xuacu García Cuello, tres puntos; Xosé Antonio Camblor, tres puntos; Ástor Llaneza Prieto, dos puntos; Corralón Azul, dos puntos; Lluis Ánxel Suárez, dos puntos; Xurde Alberto García Fernández, dos puntos; Xosé R. González Suárez, un puntu;

Apurrimos, agora, semeya nuevo pa la so identificación. Hai que dicir qué ye y ónde s'afaya lo que representa la imaxe de qui enriba.

Narciso Suárez Llaneza diz:

Ye'l bebederu que ta delláu de La Fuente'l Vasu, en La Polaúra de Ramonín.

 

Demelsa González Viña diz:

La semeya pasá nun tuvi tiempu de contestar. Esta d´agora ye'l bebederu de La Fuente'l Vasu. Un saludu. Demelsa.
 

Lluis Ánxel Suárez Suárez diz:

Hola Xulio, esto non sé si será La Fuente'l Vasu... creo.
Ta lluego.
 
00000000000000000000000000000000000000

CORRIGENDA

Nun principiu teníemos considerao que nun yeren mui precises les rempuestes de Demelsa y de Lluis, yá que la fuente que se conoz como del Vasu queda a unos metros d'esti bebederu y nun tien bebederu delgún que recueya la so agua. Pero tenemos que reconocer que lo que mos comenta Demelsa, nun corréu mandáu al raemente d'esta cuestión, tamién ye realmente cierto: La Fuente'l Vasu además de designar propiamente la fuente que cuerre a ras del suelu, ye, asinamesmo, el nome del sitiu averáu a ella, qu'incluye'l prau qu'antes yera de Figenia l'Escaecima y agora ye d'Isma'l Colláu Escobal. Asina que, d'esa manera, podemos considerar efetivamente que'l bebederu de la semeya ye'l que se topa nel sitiu de La Fuente'l Vasu anque nun seya'l que recueye precisamente l'agua de la fuente del Vasu.

Danse, entóncenes, por válides, les rempuestes de los tres participantes.