Pa la entruga sobro la identificación de la semeya de la portada anterior, allegaron, al buzón ellectrónicu de la fueya dixital barboliega, un total de tres mensaxes, de los que solamente ún venía acompañáu de rempuesta correuta. Si furamos per esta buraca virtual vamos a poder vello enteramente.
La clasificación queda, dempués d'esta cabera modificación, de la manera que, darréu, s'amuesa: Xuacu García Cuello, cinco puntos; Casio González Suárez, cuatro puntos; Lluis Ánxel Suárez Suárez, tres puntos; Esteban Carcedo Roces, tres puntos; Xosé Ramón González Suárez, un puntu; Xosé Antonio Camblor, un puntu.
Siguimos con nueves fotografíes, y pedimos, agora, que mos digáis qué ye y ónde s'afaya lo que representa la imaxe de qui enriba.
Casio González diz:
¡Vaya cómo me despisté cola otra foto, que nun facía muncho que pasé a llevar el carbón a Medita! Nesta creo nun enquivocame: ye la cuadra d'El Caleru. Un saludu.
Xosé Ramón González diz:
Anque seguro que Casio la conoz tamién, la semeya d´esta selmana ye d'unes cuadres qu'hai a la entrá d'El Caleru.
Un abrazu.