Lo que ponemos darréu ye lo que mos escribieron estos cinco veceros como rempuesta a la entruga sobre la semeya de qui enriba:

Rosa:

Hola Xuliu! Esta semeya ye mui fácil, ye la casa onde tu vives, en La Llosa'l Valle.

Marta González Llaneza:

Esta ye mui fácil pa mi, ye la casa de Jamina y Lín (q.p.d.) pela parte de tras. Un sitiu que me trai mui buenos recuerdos. Un saludu.

Demelsa:

Hola pa toos. Bueno, como yo yá tuvi la oportunida de ganar, agora voi contestales toes pa mio pá; bueno, ye un decir, porque, total, la mayoría tien que decímeles él, así que ahí va la contestación d'esta selmana: seguimos nel pueblu de Perabeles, eso más conocío como La Llosa´l Valle, que ye la casa de Lin y Jamina, meyor dicho, los tos güelos. Un saludu.
 

Ike Rozada & Ana María:

Hola amigos.

Aquí vos escribo la descripción de la semeya d'esta semana, que a mi me paez.

Esta ye la casa vista per detrás del propietariu d'esta páxina, que se llama Xulios Llaneces, fíu de Clemen el carpinteru de Peraveles. La casa ta sita en La Llosa de Peraveles, a la parte baxo de casa Mara la Campesina. P´aceder a la casa ye per enfrente casa Fonso y Margarita, per un camín hormigonáu abaxo.

Saludos pa toos.

Jesús Orviz González

Nun toi del too fiju, porque yá va tiempu que nun baxo pehí, pero, polo que se ve debaxo, que paezme El Batán, barrunto que ye la to casa de La Llosa´l Valle.