Tenemos tres mensaxe de corréu con otres tantes rempuestes a la entruga sobro la identificación de la semeya de la portada anterior. Si vos peta velo too ello, entóncenes pinchái aquí. Dempués d'estes modificaciones, la clasificación queda de la siguiente manera: Narciso, dieciocho puntos; Toño, selce puntos; Berto, trelce puntos;  Xuacu, seis puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu.

Siguimos col concursu: ¿Qué ye y ónde s'alcuentra lo que representa la imaxe de qui encima?

Xosé Antón Camblor escribió:

Julio, esto conóceslo bien, nun te toco quitar algún guevu, esta ye la granja que teníen to padre y Lito, y ta situá nel pueblu de La Cruz. Más cerca vense les cases del pueblu de La Gallega; más a la derecha vese'l casquillete d'El Pozu Cerezal y el prau d'El  Camín Nuevu, que ye de Barín el de La Cruz.

Alberto González Orviz escribió:

Qué tal Xulio. Llevo tiempu sin dicir ná, salisti de la mio zona y ando perdíu, yá m'adelantaron los perseguiores que tan al quite...ja,ja.
Nun me dió tiempu a contestar l'anterior semeya, que sí la sabía (El Batán), así que voi cola d'esta vegada :
Si nun m'enquivoco, ena semeya vese l'antigua granxa pites de La Cruz, que ta a lo cimero la carretera, enfrente de La Restinga.
Un saludu  a toos.
 

Xuacu García Cuello escribió:

Hola Xulio: Esta vista paezme La Granxa de la Cruz, onde hai unos años diba la xente de pellí a comprar pites.
 

Narciso Suárez Llaneza escribió:

Esta ye fácil, ye la granja de to padre y Lito na Cruz. Ahí tocóme envasar unos cuantos sacos de gallinaza en polvo de los pollos na nave de baxo cuando s'echaba a los praos. Fue la bomba, yo acuérdome del primer añu que lo echemos, nun lo entraba nin la máquina, hubo que segalo a gadañu y después nun había pa onde lo tender. Aquello metía. pánico, quedaron  los praos pe La Polaura que daben meruxa, h.a h.a h.a.

Cuatro acertaos y explícitos mensaxes que mos apurren estos concursantes y colos que lleven pa la so corexa sendos y valiosos puntos qu'aumenten la so cuenta na tabla clasificatoria, que s'amuesa, agora, de la manera que darréu s'espresa: Narciso, diecinueve puntos; Toño, diecisiete puntos; Berto, catorce puntos; Xuacu, siete puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu. Sólo una apreciación: el castillete d'El Puzu Cerezal nun allega a vese realmente nesta semeya, anque bien ye verdá que queda por mui poco fuera del enmarque de la foto.