A causa d'unes averíes na máquina del ordenador, nun se pudo actualizar a tiempu la semeya del concursu. De toes maneres hai que dicir que en tous estos dis sólo allegó la rempuesta d'un veceru y, llamentablemente, nun yera acertada. Ponemos agora una nueva imaxe cola esperanza de que resulte más fácil que l'anterior.

La clasificación queda, entóncenes, ensin variaciones: Xuacu García Cuello, siete puntos; Xosé Ramón González Suárez, seis puntos; Marta González Llaneza, cinco puntos; Esteban Carcedo Roces, cuatro puntos; Lluis Ánxel Suárez, dos puntos;  Xosé Antonio Camblor, dos puntos; Tomás Torre, un puntu.

Asina que, hala, decíi qué ye y onde s'afaya lo que representa la imaxe de qui enriba

 

Xosé Ramón González dixo:

Hola Xulio:

 La verdá ye que la semeya pasá nun la cacé, pero la presente ye de Perabeles, más concretamente del llavadero nuevu y de de les cases de Mara, Blanco y Irunda. Supongo que la vecera Marta esta vegada nun tendrá problema pa conocela.

Un abrazu

Marta González Llaneza dixo:

Hola Xulio:
 Esta semeya pa mi ta chupao. Ye Perabeles, y además creo que se llama L'Eru de Riba. Vése el lavadero, la casa de los mios tíos y la casa onde yo viví tantos años.
Un saludu

Esteban Carcedo Roces dixo:

Xulio

Esta semeya ye bastante fácil  pa mi. Y será más fácil pa Marta, pues ye la so casa y la del Campe, y, al fondo, la d'Irunda. Y tan enfrente del Lavadero de Perabeles.
 

Xuacu García Cuello dixo:

Hola Xulio.
 Creo que la semeya d'esta semana ta en Perabeles y ye la casa que ta un poco p'arriba de to casa de la Llosa'l Valle.