La semeya de la portada anterior, llamentablemente, delguna persona la acertó. Tuviemos, ye verdá, un mensaxe con propuesta identificatoria nel nuestru buzón dixital, pero nun mos apurría, nin de lloñe, la rempuesta correuta. Poro, la clasificación nun sufre alteriación delguna, y cola intención de poder modificala ceo, darréu vamos a llantar una nueva perspeutiva del mesmu llugar pa ver si, facilitando la cuestión con más datos, atopamos lluego dalgún acertante.

Asina, que, venga, collacios, a dicir qué ye y ónde s'alcuentra lo que representa la imaxe de qui enriba. 

Ástor Llaneza Prieto dixo:

¡Hola! Viendo la semeya dende dos perspectives distintes, paezme qu´esa foto ta sacada nel práu nel que s´alcuentra la "Fuente les Xanes" n'El Valle les Fuentes. El prau nun sé cómo se llama, pero paezme qu´esi ye'l llugar de la semeya. ¡Salú!

Narciso Suárez Llaneza dixo:

Ta mui difícil, nun me cuadra de ninguna campera, pero, bueno, ahí va: paezme que son Les Maeres, debaxo d'El Picu Tres Conceyos. Y si non, pues, yá nun me como más la cabeza, h.e h.e h.e. 

Pues, nada, amigos veceros, anque nun mos preste gotera, tenemos que dicir que nun mos val delguna de les dos rempuestes que respeutivamnete acabáis d'apurrir. De toles maneres, vamos a dexar abierta, de momentu, la posibilidá de que cualquiera de los veceros lo pueda intentar de nuevo.

La clasificación, poro, nun sufre delgún cambiu. Sigue tal como la dexemos