Nuevamente mos atopamos con que naide sabe reconocer esti horro barboliegu. Dexámoslo, entóncenes, dafechamente, y, como yá queda mui poco pa qu'alleguemos al final d'esta edición serondiega, mangamos, darréu, una semeya nueva. Depués d'ella yá solamente vamos a colgar otres dos...Asina que, venga, a dicir qué ye y ónde s'afaya lo que tenemos na imaxe de qui enriba.

Esteban Carcedo Roces diz:

Xola Xulio.
Isi horro nun tengo manera de dar con él. En cuanto a la casina que punxisti agora, paezme que la conozo, pues ye una que ta nel pueblu de La
Potoxa, enfrente de la casa de mio tia Luisa, y xusto encima de la casa de Manolito el d'El Carrancal.

Bien, Esteban, bien. Dámoste por bona la descripción que faes de la casa. Solamente te faltó dicir el nome del sitiu, que, pa que tous lo sepan, vamos a asoleyar aquí, agora:  L'Arquería