Únicamente mos allegó un corréu con rempuesta a la entruga sobre la identificación de la semeya de la portada anterior, el remitíu por Casio, qu'acertó y dio nel clavu de la cuestión. Vémoslo pasando per esta puerte vinculada.
Asina, entóncenes, la tabla clasificatoria queda, a falta de dos semeyes, de la manera que darréu amosamos:
Casio González Suárez, ventidós puntos; Xosé Antonio Camblor, catorce puntos; Lluis Ánxel Suárez, once puntos; Xuacu García Cuello, diez puntos; Avelino González Suárez, nueve puntos; Ramón González Suárez, seis puntos; Daniel Fernández García, seis puntos; Esteban Carcedo Roces, cuatro puntos; Xana Llaneza Prieto, dos puntos; Marta González Llaneza, dos puntos; Pedro Carcedo Roces, un puntu; Tomás Torre, un puntu.
Y, amigos y veceros, tenemos que mos dar cuenta de que yá mos tamos acercando al final d'esta edición Iviernu-Primavera del concursu semeyil barboliegu. Na redaición, pensamos dala por acabada col presente mes de xunu, asina que, únicamente mos queda por poner UNA SEMEYA MÁS, aparte d'esta... Aprovechémosles... Agora, hai que saber qué ye y ónde s'afaya lo que representa la imaxe de qui enriba.
Xosé Antonio Camblor dixo:
Esto ta nel pueblu d'El Costayu, nel camín que sal a El Colláu Espín.
Lluis Ánxel Suárez dixo:
Hola Xulio. Esti corralín paezme que ye, otra vez, n'El Costayu. Ta delantre casa Vira y Selmo, nel cruce onde se tira pal Culluspín.Respecto a la foto de Daniel, yá sé'l nombre y el dueñu (díxomelo él), ye de Joaquín el de Los Caleyos y llámase La Poza. Ta lluego.