Los mensaxes que mos aportaron apurriendo rempuesta a la entruga sobro la identificación de la semeya de la portada anterior h.ueron tres, que podemos lleer dafechamente si pasamos per esta portica dixital. Entóncenes, agora, depués de la correspondiente suma de puntos, tenemos que la clasificación quédamos de la manera que darréu amosamos: Narciso, trenta y ún puntos; Toño, trenta y ún puntos; Berto, venti puntos; Xuacu, decisiete puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.

Y ensin solución de continuidá vamos pasar a llantar semeya barboliego y entruga nuevo: ¿Qué ye y ónde s'afaya lo que representa la imaxe de qui encima?

Toño Camblor dixo:

Hola Julio.¡Les veces que pasé yo pehí andando, de pequeñu, y casi se m'escapa! Esta ye la casa de Juanita, en Les Sayetes.

 

Mui bien el nuestru veceru Toño, que fue quien a identificar esta semeya barboliega, realmente difícil polo estraño y orixinal del enfoque dende'l que ta sacada. D'esta manera y al ser, nesta ocasión, l'únicu acertante, agamia un valiosu puntu, que lu llanta, de momentu, na tiesta de la clasificación xeneral del concursu semeyil:Toño, trenta y dos puntos; Narciso, trenta y ún puntos; Berto, venti puntos; Xuacu, decisiete puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.