Allegaron tres correos con mensaxe apurreindo rempuesta ala entruga sobrolaidentificación de la semeya delaportada anterior. Al que-y pete velo nun-y queda otru remediu que furar per esta buraca. Agora depués de les correspondientes modificaciones, la clasificación queda de la manera que darréu s'amuesa: Narciso, ventiséis puntos; Toño, venticuatro puntos; Berto, diecinueve puntos; Xuacu, catorce puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.

Pasamos, como siempre, a llantar una nueva semeya: ¿Qué ye y ónde s'alcuentra lo que representa la imaxe de qui enriba?

Antón Camblor escribió:

Julio, esto ye'l pueblu d'El Montesín. La casa de la parte riba ye de los güelos de la mio muyer. Les otres, una ye de Severina y la otra de Luis y Esteban.

Alberto González escribió:

Que tal Xulio. Esto ye El Montesín, subiendo pa La Cerezal. Pela parte baxo ta La Gallega.

Narciso Suárez escribió:

Disparasti a discreción desde Les Cases de Baxo, esta ye del Montesín. Saludos.

Xuacu García escribió:

Hola Xulio: Esto ye una vista de les cases d'El Montesín. La de riba ye de Gerardo, l'amariella de Lluis y Esteban y la otra de Severina. Un saludu
 
Acertaes y bien, les cuatro rempuestes unviaes por estos cuatro animosos veceros. Trátase efetivamente d'una foto del pueblu barboliegu d'El Montesín, na fastera del valle de La Cerezal. Poro,la clasificación, agora, queda de la siguiente manera:  Narciso, ventisiete puntos; Toño, venticinco puntos; Berto, venti puntos; Xuacu, quince puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.