Aportó un únicu mensaxe con rempuesta a la entruga sobre la identificación de la semeya de la portada anterior. Vémoslo pinchando aquí.

 La clasificación queda agora asina: Berto, dolce puntos; Narciso, once puntos; Toño, siete puntos; Ástor, tres puntos; Lluis Ánxel, dos puntos; Xuacu, dos puntos; Daniel, un puntu; Xana, un puntu.

Nueva entruga:¿Qué ye y ónde s'alcuentra lo que representa la imaxe de qui enriba?

Narciso Suárez dixo:

Ye el Prau d'Inacio que ta a la parte riba la carretera pasando El Batán en dirección a la Rebollá.

Xosé Antón Camblor dixo:

Esto creo que ye el prau d'Ignacio, que ta parriba d'El Batán, encima la carretera de La Robellá. Yá ta bien con El Bescón de Ludivina.

Xosé Ramón González dixo:

Paezme que'l prau ta enfrente to casa, encima la carretera La Rebolla, ye de los herederos de los d'El Batán, Inacio (q.e.p.d.) y so hermana. El nome del llugar nun lu recuerdo.
Paezme porque yo tamién lu acolumbro dende la casa de mio ma. Un abrazu.

Dende la fueya barboliega tamos contentos de poder dar la bienvenía al collaciu Xosé Ramón, tradicional participante n'anteriores ediciones d'esti concursu semeyil. Esperamos que siga animáu y escribiendo. Y agora dicir que son correutes les rempuestes de los tres veceros, polo que darréu se-yos apurren los correspondientes puntos que-yos valen pa facer más abultada la so fardela particular. Sólo añadir, que, no referío a les rempuestes, paezmos conveniente precisar que'l nome propiu del prau ye El Castañéu Antonón. Asina ye como siempre-y lo llamaron los amos. Tamién queremos asoleyar el comentariu que mos unvió Alberto González y que se refier al sitiu nel que s'agospiaben los guerrilleros republicanos cuando sufrieron la mortal emboscada de noviembre de 1938. Nosotros diximos que taben na cabaña, siguiendo la versión espuesta por Nicanor Rozada el de La Paré. Pero pa Berto, nun yera na cabaña onde s'alcontraben sinón na cuadra. Depués de lleer a Berto, tamién mos inclinamos a creer que tuvieren na cuadra: Xulio, yo siempre oyí en casa desde pequeñu, que los guerrilleros, ente ellos l'hermanu mio güelu Maro, Arsenio " El Llargu", agospiábense ena cuadra, no ena cabaña. Fíjate  que  la cuadra yera más segura porque tien dos puertes y depués de saber que taben copaos, salieron pela puerte que da pa Les Xanes corriendo en varies direcciones disparando y tirando bombes de mano. L'hermanu mió güelu tiró abaxo pero heridu yá de muerte y fue atopáu muertu col troncu dobláu ena reguera como en posición de querer beber. Finalmemnte fue enterráu nel Granxu, na falda de un fayéu a lo cimero la reguera . Ena cuadra quemaron vaques de mió tataragüela Ludivina pol fuebu de les bombes que tiraron pa facelos salir y los asesinos llevaron un xatu pa comelu y celebrar l'asesinatu. Los chivatos, los que-yos prepararon la encerrona de muerte, como en munchos sitios d'Asturies onde fueron traicionaos los guerrilleros, yeren vecinos de la parroquia. Eso ye lo que oyí desde pequeñu. Un saludu.