Siguimos avanzando y repartiendo puntos a los que mos envíen
mensaxes con rempuesta acertao a la entruga sobre la correspondiente semeya
de portada. Pa la de qui
fueron estos seis que vos reproducimos de siguío:
Miguel Ángel García Suárez: Hola Xulio y demás
collacios. Esta foto ye arriba en La Polaúra, la cuadra d'El Ruxu
de Peraveles y Ramonín el de Veró. Un saludu a toos/es.
Joaquín Suárez Ordiz: Xulio, esta anda pelos mesmos lares
que les anteriores, pos ye en La Polaúra, la cuadra d'El Ruxu.
Audilio González Rozada.- Hola, Julio: Gracias por tu felicitación
navideña y año nuevo 2006.. Quiero aprovechar para decirte
que la foto que colgaste en la página, corresponde a la cuadra de
Ramón del Caleru, de La Polaúra, actualmente, creo que de su
hijo Luis. Un saludo cordial. Audilio González Rozada.
Esteban Carcedo Roces.- Hola Xulio: Esta cuadra nun m'acuerdo de quien
ye, pero eso sí, paezme que ta en La Polaúra.
Sergio Camblor: Será la cuadra que ta según llegues a
La Polaúra, a mano derecha.
Jorge del Recerezal: La semeya d'esta vegá ye perfácil,
polo menos pa mi. porque isi sitiu conózcolu perbién. Ye la
cuadra de Luis "El Ruxu" de Peraveles na Polaúra.
Depués d'estos guapos punticos, que vienen a aumentar
el pesu de les fardeles de los respectivos participantes, la clasificación
d'estos dos meses de payares y avientu queda (...)
Y por nun facer mudanza na costume,
nun vamos a aparar agora tampoco'l carro... Poro, siguimos, nestos primeros
dis del iviernu aventiegu, pela conocida caleya del concursu, mangando,
en portada, fotos de la nuestra guapa y vieya collación.
A ver si sois quien a dar col sitiu que mos amuesa la imaxe d'esta
vegada, de la que queremos dar una pista diciendo qu'el valle nel que s'afaya
sólo pertenez en parte al conceyu de Samartín.