Solamente mos apurrieron un mensaxe, esta vegada, pa dar cuenta de la imaxe de la portada anterior: Cruciamos esta pasera dixital pa poder velu.Y agora a da-y vueltes a la cabeza pa descubrir la nueva semeya. ¿Qué ye y ónde s'alcuentra lo que representa la imaxe de qui enriba?
Narciso Suárez Llaneza escribió: La Campa el Verizal o meyor dicho lo que queda d'ellaAlberto González Orviz escribió:
La semeya d'esta vez nun ye fácil. Nun toi seguru, pero creo que sé onde tá esa camperuca:
Subiendo pela pista de La Colladiella , na más pasar la campera detrás d'El Sellón y a l'altura de l'antena de televisión, cuéyese la pista de la izquierda qu'acaba na portiella de Los Texíos. A la parte baxo, cuéyese un camín que sal a lo cimero El Formigueru, penriba l bescón de la mió tataragüela Luzdivina, con una vista perguapa de tol valle. La campera de la foto ta hacia la mitá del camín.------------------------------
La rempuesta correuta ye la de Narciso. Trátase de La Campa'l Berizal, que s'alcuentra nel camín que va de La Campa la Encruciyá escontra Muñero. La foto ta tomada dende'l camín que pasa per riba y que va a La Mozquita y a La Seca.
Asina, entóncenes, la clasificación queda de la siguiente manera:Narciso Suárez, tres puntos; Alberto González, dos puntos; Ástor Llaneza, un puntu; Lluis Ánxel Suárez, un puntu.