NUN TUVIEMOS DELGÚN ACERTANTE PA LA SEMEYA DE LA PORTADA ANTERIOR

Poro, vamos a colgar agora un foto de la mesma casa, tomada dende otru ángulu pa que resulte, d'esa manera, una nueva perspeutiva y podamos ayudar, asina, a la so meyor identificación.

Dempués d'esto, la clasificación nun sufre modificaciones:

Narciso Suárez Llaneza, diez puntos; Daniel Fernández García, ocho puntos; Lluis Ánxel Suárez, ocho puntos; Demelsa González Viña, siete puntos; Xuacu García Cuello, siete puntos; Xosé Antonio Camblor, seis puntos; Xurde'l Recerezal, cuatro puntos; Corralón Azul, cuatro puntos; Ástor Llaneza Prieto, tres puntos; Xurde Alberto García Fernández, dos puntos; Xosé R. González Suárez, dos puntos.

Y agora, como yá dixemos, colgamos una nueva fotografía. Hai que dicir qué ye y ónde s'afaya lo que representa la imaxe de qui enriba.

Daniel Fernández García diz:

Hola Xulio.

Les dos últimes nun les supi, tan difíciles.

Esta creo que ye en La Cabañina, enriba de Miera. Al fondu vese Sotrondio.

Un saludu.

 

Lluis Ánxel Suárez diz:

Hola Xulio, estes dos últimes fotos deben de ser una casa que ta encima l'antiguu cargaeru de carbón en Miera Baxo, creo qu'el pueblu llámase El Caleyu.
Ta lluego.
 
L
 

Xuacu García Cuello diz:

Hola Xulio:
La casa que tienes puesta na portá de la páxina ta n'El Caleyu, enriba Sotrondio.
 
 

Narciso Suárez Llaneza diz:

Cambien les coses según se miren. La casa ésa ta, lliteralmente encima del túnel (AS 17) de Sotrondio, concretamente, según se baxa de Llaviana, el primeru. Vese dende la carretera perfectamente. Nun sé cómo se llama'l sitiu. Subirís a probar la carretera qu'echó Avanzas. Un saludu.

 

&&&&&&&&&&&&&&&&&&&&&&&&&&&&&&&&&&&&&&&&&&&&&&

 

La finca onde se llevanta la casa de la semeya llámase La Payega y atópase, como bien diz el veceru Narciso, encima mesmo d'un de los túneles de la AS 17 al so pasu per Sotrondio (concretamente'l segundu d'ellos viniendo de L'Entregu o'l primeru si se vien de La Pola).

La casa pertenez al barriu d'El Paréu, que a la so vez ta asimiláu al pueblu de La Cabañina, dientro de la collación de Samartín. Allí cerca y un poco más arriba ta'l pueblu d'El Yanu, y más arriba tovía alcuéntrase'l d'El Caleyu.

Poro, a efeutos de concesión de puntos, vamos a dar por válides, únicamente, les rempuestes de Narciso y de Daniel.