Pa esta semeya del xueves y vienres aportaron al buzón de peraveles.com estos cuatro mensaxes
ellectrónicos:
Jesús Orviz González: Otra semeya de Perabeles. Concretamente
sacá delantre del horro, que fexo Clemen na Llosa´l Valle. Detrás,
vese la casa que fue de Chorique, y na qu'ahora tan faciendo un chigre. Tamién
se ve la casa que yera onde teníen el chigre y comerciu Mérica
y Velino, y qu'ahora ye de Carmen. Por ciertu, un saludu pa Clemen, y qu'enseguida
se ponga buenu, que tovia tien que dar muncha guerra.
Ramón González Suárez.- Hola Xulio: La semeya vuelve
a ser del pueblu de Perabeles, ta fecha dende La Llosa'l Valle, y la casa
que se ve ye la que ta reparando to cuñáu. Por cierto, paezme
Clemen el que ta mangáu en teyáu, con lo qu'aprovecho pa desea-y
un prontu restablecimientu, pos enteréme que-y dio un pampurriu. Un
abrazu.
Joaquín Suárez: Xulio, creo que mui pocos fallen esta,
pos ye sacá delantre to casa, y vese l'horriu tuyu, l'antigua
casa Chorique y casa Carceo. Saludos.
Sergio Camblor: L'horro ye'l que ta subiendo de La Llosa'l Valle; la
casa nueva, la que yera de Carceo; y la otra, la que yera de Chorique. Lo
que nun sé ye quién ye'l del teyáu.
N'horabona a estos cuatro veceros y gracies polos bonos deseos
hacia mio padre, qu'afortunadamente yá s'atopa muncho meyor. Efetivamente,
como sospecha Ramón, ye elli, Clemen, el que s'alcuentra mangáu
en teyáu de la casa de Los Ribayos.